Tinduk Bepangkal ke Pengingat, Bejalai Betungkat ke Adat : Apai Janggut pada Iban Summit II
Apai Janggut dalam satu sesi sebagai panelis bersama Masri Sareb Putra di Iban Sumit II, Tapang Sambas, 25 Maret 2023. Dokpri.
Catatan Redaksi:
Pada Iban Summit II di Tapang Sambas, Apai Janggut tampil sebagai panelis duet dengan Masri Sareb Putra. Keduanya membahas topik mengerucut ke Asal Mula dan Migrasi Suku Bangsa Iban. Mengingat pentingnya mendokumentasikan sejarah dan mempertimbangkan keabadian, dan keaslian paparan Apai Janggut dalam dialek Iban Sungai Utik, Redaksi memuat utuh makalah Apai, yang diserahkan oleh Pak Igoh pada ketika itu yang naskah digitalnya dikirimkan via HP ke email.
PANELIS : Bandi anak Ragae
Selamat Lemai, ngagai kitai semua,
Baka wi tali tampung, baka rutan tampung danan, baka ijuk tampung penduk, baka irak tampung lembak.
Pecah periuk tanah ganti periuk Betawi, Padam bulan nganti matahari, parai urang tuai ganti tubuh kami, Empusong baka bukit, ngebung baka Langit
Tinduk bepangkal ke pengingat, bejalai betungkat ke Adat
Deras baka rantau, reregah baka Pulau, Lelinang baka danau Oooohaaaa !, Oooohaaaa !, Oooohaaaa!
Baca Apai Janggut: Bejalai Betungkat ke Adat
Tabe basa ngagai kitai bansa Iban semua ba aum besai kitai tu tau ka Iban Summit II sarito, aku minta ampun, minta maaf ngagai bala kitai aku ndak ulih nyebut nama siku- siku, datai ari Malaysia Serawak udah begulai sejalai enggau kitai ba Borneo tu.
Ba aum besai tau, aku ndak ulih bejako panjai semina aku mae’k kitai ngerembai ngemesai bansa kitai Iban dalam semua pengawa’.
1. Beliung mengkang karut, perdah mekang Libut, artinya kitai site keturun Keling enggau Kumang, kemaya ari kitai ndak tau ngayau age ngena Ilang, Pedang, sangkuh enggau dukok, ngayau maya ari to, kitai ngena Runding iya manah,Pensil, Polpen, tau ka media masa. Laban kitai to ndak sama Menua, tang bansa sama kitai dirik menyadek semua. Contoh bala kitai di Malaysia Serawak apai indai bise di Indonesia, tau sebalik iya. Orang Britis iya benama RAJA JAMES BROOKE Ngayau ba negeri Malaysia Serawak, BELANDA NGAYAU ba NEGERI INDONESIA lebuh maya nya’k bansa kitai harap ke sida’k ngatur serta misah antara Menua Serawak enggau Menua Indonesia ba Tanah Borneo to.
Baca 6,8 juta Populasi Dayak Sedunia yang Perlu Terus di-Update Dinamika Angkanya
2. Mesti iya kitai bansa Iban Serakop : kitai Summit II selama tu ndak segulai ndak senjalai penemu, nitih kerunding aku anang pambar, bebar kitai ngatur pengawa’ ngerembai, ngemesai pemansang menua
3. Semua kitai bise peluang ngatur pengawa pemansang ke menua ngering bansa Iban, aku minta kitai site runding site pekat ngatur pemansang.
4. Pengawa berpolitik mesti bise bala kitai yang patut kitai tulung sukung iya ke amat-amat ulih ngemansang bansa ngering ke Menua kitai Iban.
5. Pengarap kitai Bansa Iban ( Sosial Budaya ) sama-sama kitai ngetan, nyaga Menua ndak tau nyau adat istiadat. Nembiak mansang baru udah ndak keran age, ndak rindo ke pengawa’k kitai kelia’k baka: pengawa Nimang, melandai, bepantun, besanggai, enggau Besampi (ber doa ).
6. Pesau aku ngagai kitai ba aum Iban SUMMIT II to, kitai mesti bise GEREMPONG site iya ke Ngatur semua pengawa iya ke Manah :
- Ngatur pemansang Menua
- Ngatur Pengering Bansa ( Politik )
- Ngatur Pendidik
- Ngatur Pengerai
- Ngatur Adat-Istiadat
- Ngatur tanah aek
- Ngatur pengelikun Menua
Baca Dayak Hari Ini Punya Lembaga Keuangan, Hotel, dan Perguruan Tinggi
Nyak Nangka jako aku enti bise iya ke enda pas, aku minta maaf minta ampun ngagai kitai semua ba randau Iban SUMMIT II lemai to.
0 Comments